होली का सन्देश

aaj utha lo pichkari,
rang do tan man rangbhed mite.
bahut ho chuka dharm jat pe maramari,
sang do sathi ki aaj hamari holi ka sandesh Jite.

aayo pran le hum ki khun ki holi ab nhi hone denge,
ab na bachpan royega na maa ko beta khone denge.
ab na chudi tutegi kabhi kisi suhagan ki,
ab na tulsi sukhegi kabhi kisi ke angan ki.
hindu, muslim, sikh,ishayi sab rango ko aaj milana hai,
manvata ki muh ki kalikh aaj esi se mitana hai.

aatank ke aage sir jhukana hamara usul nhi,
pagalo ki toli ki ye khuni holi hame qubul nhi.
siyasi chal chalte hai jo log desh ko bat kar,
aao sathi ab bahut ho chuka, rakh de unko kat kar.
koi deemak es desh ko chate, hum etne bhi mazbur nhi,
ye HINDUSTA hum charo ka hai,kya espe tumhe gurur nhi.

ab to sambhlo media walo, ab to apni pachan karo,
desh ke chaturth stambh tum,
abhay ho desh jodne wala kam karo.
khub batori TRP tum sabne, 26/11 ke live telecast par,
bewakufo ki tarah dikha rhe the pal pal ki tum har khabar.
arey dhurandharo ban chuke the dushmano ki ankh tum,
kya tum ko sharm nhi aati jo karte ho roj bakwas tum.
Bahut dikha chuke media walo tum kasab ke kartab ko,
ab to koi prasaran ho jisame Iswar-Allah ka sandesh dikhe.
sang do sathi ki aaj hamari holi ka sandesh Jite......